清邁 Nimman 購物地圖｜由1巷行到17巷，不走回頭路 🛍️

清邁行程，JUNO&ME 幫你安排好

廣東話服務｜私人包車｜按摩及體驗門票

🚗 Shopping 唔使逐程 Call 車

市內一日包車，串連 Nimman、古城、Cafe 同按摩；亦可按你想去嘅郊外景點編排行程，買完一袋又一袋都唔使拎住周圍行。😂

🎟️ 買好門票，預約交畀我哋

購買按摩或體驗門票後，我哋會用廣東話協助確認及預訂時間，再發確認信畀你，當日按確認安排出席就可以。

💆🏻‍♀️ Shopping 完想鬆一鬆？查看清邁 MAKKHA 按摩優惠，包古城內及 U Nimman Hotel 接送，建議提早預約。

① ONE NIMMAN

Nimman 區其中一個最集中、最容易行嘅大型商場及生活區。 入面有泰國品牌、餐廳、Cafe、市集同手信店，亦有唔少人氣及米芝蓮推介餐廳。 📍 地圖

② MITH

近年非常受歡迎嘅泰國香水品牌。 香味選擇好多，由清新、花香到比較中性嘅味道都有，如果想買泰國香水做手信，可以入去慢慢試。 📍 地圖

③ 印度棉布店

近年清邁非常流行印度棉布服裝。 除咗花花配色，仲有唔同剪裁，例如收腰、荷葉邊、層次設計，比一般市集款更有設計感，去旅行或者海島着都好靚。 📍 地圖

④ NIAP

清邁人氣文青時裝品牌。 主打簡約、自然色系同棉麻布料，款式舒服又有質感，鍾意簡約文青風可以入去睇吓。 📍 地圖

⑤ OAB

我自己每次經過都幾容易買到衫嘅一間。😂 款式偏休閒、文青、斯文風，日常行街可以着，返工亦唔會太 Casual，實穿度幾高。 📍 地圖

⑥ ISARA

如果鍾意比較有質感、斯文少少嘅泰國女裝，可以留意 ISARA。 由布料、配色到剪裁都比較有設計感，簡約得嚟又唔會太普通，返工或者去比較正式場合都容易襯。 📍 地圖

⑦ COPENN

清邁本地香水品牌。 香味比一般甜甜女生香水更有層次，偏中性、木質、森林系，鍾意比較特別香味嘅朋友值得入去慢慢聞。 📍 地圖

KAPAO

近期幾受歡迎嘅打拋肉碎飯專門店。 環境舒服、帶少少日系小店感，味道比較穩陣。如果你唔係追求非常重鑊氣、非常地道街頭風，Shopping 中途坐低食個 Lunch 幾舒服。 📍 地圖

After You

行到攰想食甜品，可以去 After You 休息一下。泰國人氣甜品品牌，適合 Shopping 中途坐低飲杯嘢、食個甜品再繼續行。 📍 地圖

FIMUE

一間可以飲咖啡、食甜品兼逛家品嘅小店。Tiramisu 好出名，店內仲有好多家品出售，Shopping 中途可以坐低食件甜品，再慢慢睇吓小物。 📍 地圖